كالولي نسيته اجاوزيت الحول\\مايدرون حولك هدم اسنيني
عطش كلبي على شوفك عطشت المحتام\\وعصر جفني جفاك ورد يبجيني
يانيشان كلبي المارهمله اخياط\\يجبر خاطري اليندل نياشيني
لو ادري بغيابك عني هيج ايطول\\ماخليت عينك تصد وي عيني
ولو ذله من اكلك عذباني اجفاك\\راضي بذلتي ووياك خليني
وشل حيل كلبي وتعباني وياك\\حد ماكلت مامش غيرك بعيني
همي انت وصفنتي وحيرتي وذكراي\\وبس ثوب الحزن بجفاك حاليني
جذب من كال مادام دار الحول نساك \\ شلون انسا البينك وبيني
تلتم صورتك وي كل مسية شوك\\ وفز فز الكط ولجم مجاميني
خاف يطول عمرك وانا اموت بيك\\ هناك بيوم حشر الناس تلكيني
الثلاثاء سبتمبر 04, 2007 5:45 am
